نموذج مقال احترافي

محتاج أبدأ ومش عارف او يمكن كسل ؟ لماذا اقف كثيرا عندما أريد ان ابدأ ؟ لا امتلك ما يجعلني ابدأ ؟ ازاي اكتب مقال احترافي ؟  هذه مشاكل الكثير من الاشخاص اللي بتشتغل اون لاين ، ولكن فكرت بجدية وبمنطق وحاولت انك تشوف حل !!! هتلاقي اجابات غريبة وعجيبة ، وفي المقال ده هقولك علي خطوات علشان تبدأ بعد كده في الكتابة بشكل كويس.

كيفية كتابة نموذج مقال .

1-البداية تكمن في الثقه .

من أهم العوامل اللي تقدر تخليك تشتغل كويس وتبدع في كتابة موضوع او أي برمجة موقع او برنامج اوغيره انك تكون واثق في نفسك انك تقدر تبدأ وتصنع مجد مخصص ليك وتقدر تكون مصدر موثوق منه عند ناس كتير سواء في عمل اوف لاين اوغيره، وعلاج ده انك تقرأ في حاجات وكتب مخصصه بالثقه، والسلام النفسي ، لو عرفت تعالج ده هتقدر تكون وصلت للبداية الصح وهتكون بجد وصلت لأول الطريق .

2- الأختيار .

لما تكون عايز تبدأ في حاجه اختار حاجه كويسه حاجه تكون بتحبها ، سواء اي كان مجالك ده، واختار حاجه واحده بس واستمر فيها واول ما تكون خلاص وصلت لليڤل الوحش وبقيت مكتمل في المجال ده ، لو حبيت تتعلم حاجه تانية اوكي مش حابب مش مهم ، بس انصحك تتعلم حاجات متعلقه بالمجال بتاعك علشان تزود من خبرتك فيه وتطور من نفسك اكتر واكتر .

مجالي مهروس من كتر الناس اللي شغاله فيه سعادتك .

حتي لو كان مجالك في ناس كتير عارف نفسك هتقدر تفيد ناس بمعلومات تانية وحاجات هتقدر تتميز وتنطلق في المجال ده يبقي اتوكل علي الله ، مش لازم تمشي ورا خطوات الناس خليك مختلف شوية مش معني ان حد قدم شرح قبل كده لموضوع يبقي خلاص الموضوع انتهي مش يمكن الناس معرفتش تطبق الشرح او جزء منهم بس اللي قدر يطبق ده والباقي محتار مش عارف يعمل ايه !! او يمكن عنك معلومات تانية او هتنفذ الطريقه بشكل مختلف واسرع ونتائج احسن .

4- اعمل ايه بحب كل المجالات .

في اكلات كتير مينفعش تاكلها مع بعض ، مينفعش تاكل حلو مع شطة ، المجالات كدة لازم تتعلم حاجه واحدة ، وبعد كده ابدأ في حاجه تانية ، ابعد عن كل حاجه تشتتك سواء افكار سلبيه او مشاكل قابلتك في حياتك او غيرها ، خليك زي شخصين بس مش منافق طبعا اقصد يعني تفصل شغلك من كل حاجه تانية .
ابعد عن السوشيال لأكبر وقت ممكن ، وخصص وقت محدد تفتح فيه تشوف استفسارات ناس وتحاول تساعدهم هتفرق معاهم كتير .

5- مش معايا حاجه ابدأ بيها .

دلوقتي لما تكون عايز تنزل مكان وممعكش عربية ملكك هتقول ؟ مش رايح اكيد لا !! هتاخد مواصله وتروح وتخلص مشوارك ده . زي كده المجال اللي عايز تبدأ فيه في طرق بسيطة تقدر تمشي بيها نفسك وفي حاجات كتير هتساعدك لو كنت عايز تبدأ بجد مش هتدور علي حجه تعطلك .

6- التحفيز .

طبعا لازم تحفز نفسك وتقرأ حاجات محفزة سواء قصص نجاح لناس في مجالات مختلفه ، او مجال مشابه ليك ، او في نفس مجالك ، وتخلي صحابك او قرايبك يقولوا آرائهم في اللي بتعمله وانتقادتهم وحتي العملاء والزوار اللي عندك خليهم يقدموا نصايح او بعض التطورات اللي ممكن تقدر تنفذها حتي لو مستقبلاً .

7- مفيش تقدم مذهل او بسيط .

مش هتقدر تلاحظ أي تقدم من أول يوم والا العالم كان حصل حاجات كتير فيه وكانت هتكون في تطورات كبيرة في فترة قصيرة ، لدرجه انك ممكن متعرفش ايه حصل الدقيقة اللي فاتت من التطورات اللي بتحصل ، كذلك انت مش هتشوف تقدم غير لما تجتهد وتدي اكتر للمجال اللي شغال فيه وما عليك غير بعد كده سوي الصبر وان شاء الله هتلاقي نتائج مبهرة بإذن الله  .

نفذت اللي قولته ده اعمل ايه بقا بعد كده .
لا دي اجابتها عندك انت!!

ازاي عندي؟ !!!
يعني لو كان المقال عجبك هتشوف المقال اللي بعد كده وهتابعنا مش علشان هنفيدك لا علشان انتا عايز تفيد نفسك .

و ده حاجه بسيطة عن بدايتنا وحكايتنا هنبدأها معاكم، اي استفسار او طلب مساعده لو بإمكاني مش هتأخر اكتبها بكومنت ولو في اي تطورات او نصائح او مناقشه تقدر تتواصل معنا عبر الايميل او من خلال صفحتنا علي فيسبوك تحياتي لكم .