جذب الزائر وامتلاكه .
 |
| جذب الزائر وامتلاكه |
الفكرة مش مقال والسلامه الفكرة روح وطرق وتغيير حياة ناس تانية من فشل الي نجاح ، والا من فشل لنفس الفشل بس بزيادة وابتعاد عن الهدف والحلم ، احلام متعددة لكل شخص واما ان تعطي للزائر طاقة او تعطي للزائر طاسه في الاخر ، وفي المقاله
هنتكلم عن كيفية جذب الزائر وإمتلاكه .
اهم الطرق لجلب الزوار .
بص جلب الزائر بيعتمد علي بعض من الطرق المهمه ، و لو حاولت تركز وعرفت كل حاجه من الحاجات دي ، هتستفاد بجد .
المنافس .
لازم تشوف المنافس تعمله تحليل كامل بيكتب المقاله ازاي ، مصادرة منين ، روح علي وسائل التواصل اللي في موقعه واسأله وقوله عايز استفاد اكتر وكده ، شوف بيقدم ايه للزائر غير المقالات ، لو قدرت تعرف اجابة اغلب الاسأله اللي فوق ، دي هتقدر تتخطاه بكل سهولة .اهداف المقال .
بعد ما خلاص عرفت المنافس ، وذاكرت اهم الطرق اللي بيشتغل عليها ، دلوقتي لازم تحدد هدف معين ان الزائر بعد ما يخلص المقال بتاعك يكون وصل بنسبة 85الي 90% من اللي في دماغك ، ومن فكرتك لدرجة انك لو قدرت تحط مقطع صوتي ليك في المقال علشان تقدر توضح معلومه مبهمة او صعب توضيحها كا كتابه فيبقي انتا كده وصلت للدرجه عالية وطاقة كبيرة واكون قدرت اقولك انك كده شبه نجحت .المصدر وانا مالي يا لمبي .
لو خبر او حاجه كده مش متأكد منها وكنت جايبها من مصادر سواء عربية ، او اجنبية يبقي تحط تعقيب بين قوسين ( )وتكتب فيهم انك شاكك في المعلومة او خبر غير صحيح وتحط لينك المصدر ، ده هيدك ثقه اكبر من الراجل اللي دخل موقعك .الغاية لا تبرر الوسيلة .
وده اللي يفرق بين اتنين كتاب محتوي في نفس المجال واحد بيقول ، اكسب 3000$في اسبوع ، والتاني بيقول اربح 50$في اسبوع بغض النظر عن الرقم ، او الطريقه اللي استخدمها بس الزائر انتا كده بتغشه علشان يدخل عندك وده عند الشخص الاؤل انما الشخص التاني مغشش الزائر ، والغش ده بيعقد ناس كتير من مجال الأونلاين بشكل عام .
الثقة للزائر مرتبة أولي .
لما تدي ثقة للزأئر انك كاتب حاجه مخصوصة ليه مش علشان الاعلانات وبس ، وانك شخص فاهم وبتكتب في الموضوع بشكل منطقي وبتلخصة ليه وتجيب النهاية بتاعته زي ما بنقول ، هيكون عايز يتكلم معاك ويسألك ويستفسر عن حاجات كتير معاك ، هيبقي زائر مخصص ليك وبس علشان انتا بجد هتكون وصلت ساعتها لليفل الوحش .انتا مراية الزائر .
الزائر بيشوفك في طريقة شرحك مش بس كده ده ممكن يكون متابعك من زمان ، ولو الناس شافتك ناجح وهي بتنفذ الشرح بنسبة كبيرة هتنجح .ما تمشيش ورا القطيع .
خلي ليك وجهة نظر بس اهم حاجه تكون صح علشان ما تلبسش الناس في الحيط ، جرب طرق مختلفة ، وشوف ناس تانية في نفس مجالك واتعلم منهم اكتر واسألهم واتناقش معاهم ، وطور من نفسك ده هيفيدك ويفيد الزائر برضه .بلاش عناوين كاذبة .
اغلب مواقع الربح او الاخبار ومواقع عملاقة في مجالهم ، بتكتب عناوين خادعة او بيجذبك بعنوانه ده وعشان كده المحتوي لازم يتعمله اعادة تهيئة تاني وتوضيح المفاهيم إن المجال مش ربح وبس ، ده مجد و تحقيق احلام مش احلامك بس ، بلاش شاهد فضيحة ، او حقق 3000$في اسبوعين ما تجيش علي الزائر علشان ما يسبش فيك ويشتمك علشان خاطر شرح ومقالة ، خليه يدعي ليك مش عليك .ولو عملت الحاجات دي تمام هتلاقي في تغير كبير حصل في الموقع بتاعك للاحسن بعون الله ودي مش النهاية ، استنا وشوف المقال اللي جاي عن اضافات مخصصة للموقع لإفادة الزائر ورفع معدل الزيارات .
اكشنها .
لازم تحاول تخلي الزائر يعمل اكشن في الموقع وده هيكون بطرق مختلفه ومتنوعه ، سواء انه يشوف مقاله تانية ، او يشارك المقالة علي اي موقع تواصل ، او يحفظ المقالة في المصفح عنده ، او يكتب كومنت في المقالة .الاهتمام بالزائر .
اعمله قهوه ، او اعمله اللي بيحبه ، لو كتب استفسار في كومنت ، او كان محتاج توضيح لجزئية معينة متنفضش ليه واتفاعل معاه ورد علي تعليقه .إمتلاك الزائر وجذبه.
اكتر حاجه هتساعدك في امتلاك الزائر هي عمل مسابقات في الموقع سواء عروض تخفيضات لحاجات انتا بتقدمها ، او عضويات في مواقع ، او برامج مدفوع تكون اشتريتها وتعمل مسابقه عليها ، كل ده علي بيختلف من شخص لشخص تاني ، ومن مجال موقع لمجال موقع تاني ، كل شخص حسب تفكيرة وكل واحد ليه زتونة مخصصة واكله بيعملها بطريقته وطعم تاني ، والشاطر اللي يقدر يعمل اكله تنفع مع الكل .جلب الزاور للموقعك بأسرع وقت .
لو حاولت تعد الطرق لجلب الزوار لموقعك مش هتقدر توصل لاخر عدد لانهم غير محصورين ، وكل يوم بيزيد عدد الطرق دي ، زي المطاعم كده بس تلاقي المطاعم الكبيرة بس هيا اللي مشهورة والباقي ملوش مكان ، هكذا. طرق جلب الزوار للمواقع طرق كتير بس الناس بتدور علي المشهور الصعب ومش بس كده ده هيكون مش مستهدف كمان ، لو حاولت تتعب شوية وتابعنا هتعرف ان احنا قلبنا عليك ، هنشرح طرق بسيطة كده ولنا في موضوع اخر .اهم الطرق المجانية لجلب الزوار لموقعك .
هنتكلم عن كيفية جلب الزوار من بعض مواقع التواصل .الفيسبوك .
طبعا كلنا عارفين ان الفيسبوك اكبر موقع تواصل وبيجمع ناس من جميع الدول ، وبيكون سهل في التعامل سواء لمبتدئ او غيره ، المهم لازم تفكر كويس جدا وتحاول تبتكر اكتر من طريقة للحصول علي زائر مستهدف من الفيسبوك .احنا هننضم للجروبات الكبيرة اللي في نفس المجال ولو كان المجال مختص بالمرأه يبقي نعمل اكونت بإسم ست ، هننشر في الجروبات دي مش هننشر لينكات نهائي علي الجروبات علشان اغلبها مش هتتوافق عليها .
مثلا مجال الطبخ .
هننشر وصفات ونصايح علي الجروبات وفي اخر كل منشور تابعينا علي الاكونت علشان توصلك منشوراتنا ، وهننشر علي الاكونت بتاعنا وصفات برضه ، لغاية ما يكون عندنا نسبة متابعين علي الاكونت كويسه جدا ، وبعد كده نبدأ ننشر لينكات علي الاكونت نفسه .
الجروبات .
انشاء جروب باسم في نفس المجال ، واستهداف اشخاص مهتمه بنفس نيتش الجروب ، وده هتقدر من خلال انك تنضم للجروبات ، او متابعه صفحات بنفس المجال وانضم الي الجروبات دي بأكونتات مختلفه ، وارسال طلبات صداقة لأكبر عدد من الاعضاء علشان تقدر تضيفهم في جروبك ، وهكذا طبعا الامر متعب شوية لكن هتلاقي عدد زوار يومي كويس بعد كده .مواقع التواصل والمنتديات كنز لو تم استغلاله بشكل جيد ، ولنا مقال قادم في التكلم عن عن جلب زوار بشكل مجاني .
الخلاصة .
شرحنا في المقال كيفية جذب الزائر وإمتلاكه ، وكانت دي اهم الطرق .
المنافس .
اهداف المقال .
المصادر .
الغاية لا تبرر الوسيلة .
الثقه للزائر مرتبة اؤلي .
انتا مراية الزائر .
بلاش عناوين كاذبة .
اكشنها .
الأهتمام بالزائر .
إمتلاك الزائر وجذبه .
جلب الزاور للموقعك بأسرع وقت .
مهمتك بقا انك ترجع تاني للمقاله علشان التحديثات اللي هتم ليها كل فترة .
الطبخه مش هتكون كويسه لو بدون اضافات الخاصة بينا وطريقة عملنا ليها ولو معملنهاش بحب هتغلط و هتحط الغسيل في الحلة ، المقالة زي كده لو ما اتأكدتش من المعلومة يبقي رحنا في داهية .
المقال الثالث لبدايتنا حفظكم الله من كل سؤء .
دمتم في امان الله اي استفسار او تعقيب اكتبه في كومنت وكلمة شكر ودعاء ولو في سرك تكفي .
لو احتجت شرح مخصص او توضيح لنقطة تقدر تتواصل معانا عبر الايميل او عبر صفحتنا علي فيس بوك .
.
تعليقات
إرسال تعليق