كيفية اختيار نيتش لموقعك

كيفية تحديد مجال للموقع 

عامتا واستكمال للسلستنا في الكونتنت بشكل عام ، عايزين قبل ما نختار مجال معين ، نختاره بقدر اننا هنفيد الناس ، اكتر من اننا نستفاد من الناس دي ، ونختاره ونبين للناس اننا  فاهمين المجال اللي هتشتغل فيه ، مش عايزينه يكون شغل وبس ، لا عايزين حاجه تعلق مع الناس ، مش هدفي اكسب او اخلي الناس تشتري الكورس بتاعي واكسب مبلغ هينزلك سابع ارض اكتر من انه هيرفعك .
المكان لو رحته وما لقيتش غير ان الناس بتدور علي الفلوس اللي في جيبك عمرك ما هتروحه تاني .

ودي مهمتنا احنا ومهمتك انتا كمان علشان نطور من المحتوي العربي كا كل .

ماهو النيتش .

  النيتش او niche مصطلح بيستخدم علشان يدل علي التخصص ، يعني مثلا مجال البرامج  انواع زي برامج كومبيوتىر ، برامج اندوريد ، او برامج ios او اي نظام تشغيل اخر  .
فا لو  عايز تشتغل وتكتب عنه  نيتش البرامج فده لايعتبر نيتش  ، لكن لو عايز تستخدم  تكتب عن البرامج ختار حاجه واحده بس زي برامج الكومبيوتر وده يسمي نيتش .

ما هو الميكرو نيتش .

وده جزء من النيتش ، ولكن تخصص اقل ، بمعني نيتش برامج الكومبيوتر  كبير جدا وبيتقسم علي كذا قسم مثل ، متصفحات ، تعديل ودي بتشمل (صور او فيديو ) ، حماية ، وغيرهم ، فانتا ممكن تكتب عن برامج الحماية مثلا ، وده مثال بسيط وقيس علي ده كل باقي النيتشات بتتقسم لهكذا .

كيفية اختيار النيتش .

بعد ما عرفنا ايه هوا النيتش وايه هوا الميكرو نيتش هنعرف ازاي نختار النيتش .
لما تحب تدور علي نيتش ماتدورش علي انه مربح وبس ، لا دور علي نيتش مربح وفي نفس الوقت تكون فاهم فيه ، مش تكتبلي في نيتش المحاماه ، وانتا متعرفش البند ال 94 بينص علي ايه ، اللي هوا انا كمان مش عارف البند ده بينص علي ايه اساسا بس ده مش موضعنا .

عوامل اختيار النيتش .

العوامل دي هيا اللي هتخليك مميز اكتر عن باقي الناس ، مش معني اني عملت موقع ، يبقي كده انا خلاص كل شهر هكسب منه ، ده مش مقياس انتا ممكن تقعد اكتر من سنة ما تكسبش دولار ، وده بسبب التغيير كل شوية من نيتش لنيتش ومن نيتش لميكرو نيتش ومش مستقر علي حاجه .
ودي اهم العوامل .

اهم الطرق لإختيار النيتش .

علشان تقدر تختار المجال اللي هتشتغل فيه لازم تجاوب علي بعض الأسئله .

 الشغف .

انتا بجد بتحب المجال ده ؟  ودي اجابتها عندك !! والا عايز حاجه تجبلك فلوس وبس . زي شخص جعان ومحتاج يأكل أكلته المفضله ، والا زي شخص جعان وعايز يسد جوعه وبس . لو انتا النوع الأول وبتحب المجال ده فانتا هتقدر تنجح ، والمجال عندك مش فلوس وبس ، لا ده فكرة توصيل افكارك للناس عن طريق محتواك ده.

المعلومات .

مدي كمية المعلومات اللي عندك هيا اللي هتوضح إذا كنت هتقدر تفيد الناس ، وتكون توب في المجال ده ، أو من ضمن عمالقة المجال علي الأقل ، وعايز تتعلم اكتر عن المجال علشان تطور من نفسك .

الأختلاف‎‏ والتميز .

قدرتك‎‏ علي‎‏ توصيل‎‏ المعلومة‎‏ للجمهور بشكل مميز ، وبطريقة مبسطة ، وإبتكار طرق جديدة ، وعدم اتباع القطيع هيخليك متربع علي مجالك ده .

المنافسين .

عارف ان عندك قدرة وطرق وشرح تقدر تتخطي بيه المنافسين ، وتكون قد الثقه اللي هتكون ليك من الزائر انك انسان مميز بجد ، و الزائر مستني منك الجديد ، والا هتفضل تعيد صياغه وبس مش اكتر .
زي واحد بيلم فلوس ، والتاني بيلم اللي بيوقع منه وبس ، طبعا ده مثال بسيط مش اكتر عن كيفية اختيار النيتش وما هو النيتش .
مش لازم يكون مجال موقعك في عمالقة علشان يكون صعب ، ومش لازم يكون سهل .

بعض الأفكار لاختيار مجال موقعي .

حل مشكلات واسئلة واسفسار المجال ده .
تقديم خدمات للمجال .
بيع معدات للمجال ده وكده هتكسب من التسويق .
وغيرهم .

انتا بتحدد مجالك علي حسب انتا بتحب ايه ؟ ايه الافكار اللي في دماغك اللي هتقدر تنافس بيها منافسيك ؟ ايه طموحاتك في مجالك اللي هتبدأ فيه ؟ مدي كمية المعلومات اللي تعرفها عن المجال ده .

الخلاصة .

شرحنا في المقال ده .

ما هو النيتش .
ما هو الميكرو نيتش .
كيفية اختيار النيتش .
عوامل اختيار النيتش .
الشغف .
المعلومات .
الاختلاف والتميز .
المنافسين .
بعض الأفكارلاختيار مجال موقعي .

دمتم في امان الله اي استفسار او تعقيب اكتبه في كومنت وكلمة شكر ودعاء ولو في سرك تكفي .

لو احتجت شرح مخصص او توضيح لنقطة تقدر تتواصل معانا عبر الايميل او عبر صفحتنا علي فيس بوك .